قصه جميله

الحراسه عليهم.. وأنت كمان لازم تكون محذرهم من أي تهور أو أي خطوه يعملوها لازم يكون عندنا علم بيها.. وانا هتواصل مع اللواء عوني علشان نرتب الحمايه اللازمه للاسره كلها..
نظر له قاسم بأمتنان على اهتمامه بأسرتة 
متشكر جدا يا سياده العقيد على اهتمامك وأنا مستودعهم عند ربنا وإن شاء الله ربنا مش هيجيب الا كل خير وهيحفظهم ليا...
أمن على دعائه فريق العمل والعقيد 
إن شاء الله ربنا معانا ويحفظهم لك وتفرح بيهم
نقر العقيد سلامه بقبضة يده على منضدة الاجتماعات ليشد انتباهم للموضوع الرئيسى قائلا بخشونه
طب خلونا نرجع لموضوعنا الاساسي.. المعلومات اللي وصلت لينا بتقول أن رجل الأعمال زعيم الماڤيا المصري هيصفوه في اقرب وقت عشان بقي كارت محروق ليهم.. وطبعا هياخذ مكانه في مصر زعيم تاني ينفذ ليهم اللي سالم رفض ينفذهلهم ولازم نعرف هو مين.. بس لازم تكونوا متأكدين أن اللي وراه بلاك.. وقبل ما كل ده يحصل لازم الميكروفيلم اللي معاهم يكون في أيدينا قبلهم.. وفوق ده كله أنا عاوز زعيم الماڤيا المصري سالم منصور يكون عندي حي..
أجابه قاسم بإصرار 
تمام يا فندم بس لازم قبل ما نحط الخطه.. لازم نعرف آخر حاجه وصل لها الظل وأيه آخر معلومه بعتها وأمتى بالظبط يا شريف..
قال الأخيره وهو ينظر ل شريف
بسط شريف يده وعبس في حاسوبه النقال
آخر رساله وصلتلنا من الظل بتقول أن مارك خطڤ بنت سالم عشان يهدده أنه ھيقتلها مقابل أنه ياخذ الميكروفيلم علشان سالم هو اللي يستلم صفقه القرن.
واكمل سيف حديث شريف بعملية 
كده إحنا معانا وقت نوصل ل سالم قبل ما يصفوه.. والظل هيكون في انتظاركم طبعا هناك وهو مرتب كل حاجه مع المرأة الڼارية.. يعني أنتم هتسافروا تلاقوا كل حاجه مترتبة.
أكد العقيد سلامه على ضرورة حديثهم 
لازم توصل للميكروفيلم وسالم يرجع مصر حي لأن المعلومات اللي عنده ما تقلش اهميه عن المعلومات اللى موجوده على الميكروفيلم ربنا معكم يا رجاله شدو حيلكم..
صدح صوت يزن يلقي الضوء على نقطه مهمه لم يستتركوا الحديث فيها طوال الإجتماع قائلا بعمليه
لسه في حاجه مهمه مش عاملين حسابها المرأه الناريه بنت سالم دي أيه حكايتها مش يمكن تكون شغاله معاهم وهي اللي سلمت أبوها ليهم ما هي أصلا واحده منهم ومتربيه وسطهم .
اجاب عليه شريف بصوت نبره حاسمه ينفي ما تفوه به يزن قائلا
بالعكس المعلومات اللي وصلت بتقول أن تخصصها الحقيقي طبيبه ورافضه كل شغل أبوها.. عشان كده الظل المسؤول عنها هيحاول يهربها قبل ما مارك يتجوزها ڠصب عنها ولأن الأمور اصبحت بين مارك وبلاك حرب علي مين هيتجوزها احنا لسه معانا وقت نخلصها منهم......
كان قاسم يستمع لهم وهو يقلب بالملف الخاص بها ويشاهد صورها والشكوك تكبر داخله يحدث نفسه بصوت عقله الذي لا يكف عن التفكير بها 
من انتى أيتها المرأة الڼارية..! 
ترى ما بكي لكي تترعرعى وسط كل هذه الشبكة العنكبوتية لأكبر مؤسسات الماڤيا العالمية وأنتى تخالفى عقيدتهم وميولهم الساديه وتكنى لهم هذه الكراهيه !
هل حقا تريدين العوده الي وطنك ام هذه لعبه من الاعيبك!
ليتني اعلم وجههك الحقيقي من بين كل هذه الوجوه وما الذي يميزك حتي يتقاتل عليكي أخويين لم يقدر شياطيين الإنس ولا الجن على تفرقتهم سوى غيرك..
هل حقا تستحقي أن أنقذك أما سأصفيكي بنفسي وينتهي دورك في هذه اللعبه.
نظر له العقيد بفضول وهو يضيق ما بين حاجبية ويسألة