حكايه انوار كامله
عزيزة على قلبي
اسمها إيه
حضرتك وده إيه علاقته بالإمتحان
جاوبي اسمها إيه
مش عايزة اقول اسمها
طبيعي لأنك كذابة كالعادة والشال ده أصلا رجالي مش حاجة تنفع تتهدي لبنت أصلا
لو سمحت كفاية إهانة لحد كده أنا مش كذابة
يبقى قولي اسمها!
وبعد ما اقول اسمها
مش همتحنك وهتاخدي تقديرك كامل مش هينقص ولا درجة
هي لعبة حضرتك شايفنا أطفال هنا
ومش همتنحن بجد
وعد
أم حسام
طيب اتفضلي روحي على محاضراتك إنت ناجحة في المادة بتقدير إمتياز وليك مكافأة من إدارة الكلية اتفضلي
بس أنا مش...
اتفضلي أنا مش فاضي
حسيت إني مش عارفة انطق معرفهوش غير من ٣ شهور من أول ما دخلت سنة تالتة أول مرة يدرس لنا كانت بداية الترم الأول شخصية غريبة مخلص جدا في شغله ومتمكن من مجاله واسلوبه جميل في الشرح بس على المستوى الإنساني زيرو مش بيوقف حتى يبص في وش حد مكنتش مصدقة اللي حصل!
دخلنا المحاضرة وكل ما تسألني إيه اللي حصل اقول لها محصلش حاجة طب قال لك إيه ما قلش حاجة! طب هيمتنحنك إمتى مش همتحن نجحني بتقدير إمتياز
نعم
ايوه والله
والله ما هتروحي النهاردة غير لما تحكي لي عن النفس اللي اتنفستوه جوا
أنوار يعني إيه ده أنا مش فاهمة حاجة!
والله ولا أنا يا ولاء!
إنت لازم تروحي للست أم حسام بتاعة الشاي دي تسأليها عن الشال ده أكيد في قصة وراه
أكيد ولازم افهمها!
احنا خلصنا أصلا تعالي نروح دلوقت عشان ألحق أروح قبل ما بابا يرجع من الشغل
لأ مش هقدر والله الفضول هيقتلني!
سمعت كلامها وروحنا على المكان اللي بتوقف فيه أم حسام ملقتهاش مكانتش موجودة والكشك مقفول روحنا واحنا الفضول كان ھيقتلنا حرفيا فهمت إنها مفتحتش النهاردة نهائي!
تاني يوم برضو خلصنا كلية وجرينا على المكان ملقيناش لها أثر!
وروحنا واحنا كاتمين
