مريض نفسي كامله

عدي اسبوع كانت فيه جميلة مش بتخرج من البيت وحتي شغلها مش بتروحه لحد ما هما كلموها ان كدة مينفعش ولازم ترجع تاني والا هتتفصل فقررت تنزل الشغل من تاني وترجع تمارس حياتها الطبيعية فكانت بتشتغل وهي عقلها مشغول بسيف كانت شايفاه في كل راجل بيقف قصادها وده خلاها تحزن اكتر وده لانها اتعلقت بيه اوي وعشان كدة مچروحة منه اوي خلصت جميلة شغلها وكالعادة غيرت هدوم الشغل وخرجت بس اتفاجأت بسيف قدام المطعم واقف مستنيها قلبها دق وهي بصاله فحاولت تسيطر علي مشاعرها واتجاهلته
جميلة پغضب انت عاوز مني ايه يا اخى مش خلاص لعبتك اتكشفت عاوز ايه تاني
سيف بهدوء مش هسيبك الا لما تهدي وتسمعيني وانا عندي جدا علي فكرة وممكن افضل واقف معاكي كدة للصبح فالقرار في ايدك
جميلة بضيق اتفضل اتكلم بس اعرف ان اي حاجة هتقولها مش هتشفعلك عندي ومش هيفرق معايا اي كلام هتقوله
سيف بتلقائية مش مهم المهم انك تسمعيني يا جميلة وتفهمي ليه كنت مضطر اكدب عليكي يلا تعالي في مكان الاول نقعد وبعدين نتكلم
مشيت جميلة معاه بهدوء وسيف من جواه فرحان انها اخيرا هتسمعه
عالكورنيش كانو واقفين هما الاتنين قصاد بعض ونظرات جميلة لسيف كانت كلها زهول
جميلة پصدمة انت بتقول ايه يعني انت مليونير اوي كدة زي ما بتقول
سيف بتأكيد ايوة يا جميلة بس اللي حصلي خلاني اتأكد ان فعلا مبقاش فيه امان لاي حد حتي اللي منك ممكن يخدعوك وده اللي حصلي من صاحب عمري دخلته شركتي وامنته علي مالي وحالي وفي الاخر ضحك عليا وطلع واخد فلوس كتيرة دفعات من شركات ومضاني علي فلوس كتيرة اوي وبقيت قدام الدنيا كلها واحد نصاب فمكنش في حل غير اني اهرب انا سيف الانصاري يهرب ويتعامل علي انه نصاب فكرت ارجع حقي بس بطريقتي بس اهم حاجة اني اختفي عن كل حاجة واروح مكان محدش يفكر يلاقيني فيه ويوميها شوفتك ومعرفش ليه حسيت انك طوق النجاه بالنسبالي بس فكرت اني لما اقولك اللي حصل معايا هتفتكري اني بكدب عليكي واني عاوز اذيكي فقررت اعمل نفسي مريض نفسي
جميلة كانت بتسمع سيف وهي مش عارفة تزعل منه ولا عليه هو صعبان عليها

حياته واسمه وسمعتة اللي اتاخدت منه غدر وفي نفس الوقت كمان لقت انه عنده حق وانه لو كان حكالها القصة بتاعته دي قبل ما تعرفه بجد مكنتش فعلا هتصدقه او تتعامل معاه زي ما كانت بتعمل لما كان بعقل طفل
جميلة بحزن طيب هو انت رجعت حقك عشان كدة كشفت كل حاجة 
سيف بهدوء انا اضطريت اكشف كل حاجة بسبب العيال اللي طلعو علينا دول نظراتهم ليكي خلتني محستش بنفسي
جميلة بتهرب طيب انت هترجع حقك ازاي دلوقتي
سيف بتنهيدة لسة بفكر يا جميلة واكيد هلاقي حل
جميلة بتشجيع متقلقش انا معاك وحقك هيرجع اكيد هنلاقي حل يا سيف
سيف وهو مركز في عيون جميلة انا راضي باي وضع طالما انتي جمبي يا جميلة 
جميلة بخجل احم طب يلا نروح البيت ونتكلم هناك ونشوف هنعمل ايه
عدي فترة وسيف وجميلة كانو مش مركزين غير في الخطة اللي ترجع حق سيف وجميلة كان كل همها انه سيف يرجع لحياته من تاني فكانت معاه وجمبه خطوة بخطوة وكانو متفقين مع محامي شاطر تعرفه جميلة لانه كان صديق والدها وفعلا يقدرو يرجعو كل حاجة ويثبتو ان سيف برئ وان صاحبه هو اللي دبر كل حاجة
ووقتها سيف كان في قمة سعادته والنهاردة جميلة كانت رايحاله عشان توديله هدية بمناسبة نجاح خطتهم ورجوع سيف تاني لحياته
جميلة بابتسامة للسكرتيرة هو سيف بيه هنا مش كدة 
السكرتيرة بابتسامة اه يا فندم ثواني اديله خبر لانه معاه معاد دلوقتي
جميلة وهي بتسيبها وتدخل المكتب لا لو سمحتي انا حابة اعمله مفاجئة
دخلت جميلة مكتب سيف فشافته قاعد ومعاه واحدة جميلة جدا وكانو بيضحكو ويهزرو اضايقت من جواها لكنها مبينتش وكانت مبتسمة
سيف بفرحة جميلة كويس انك جيتي انا كنت لسة هكلمك
جميلة بهدوء انا كنت جاية اجيبلك دي اتفضل دي هديتك من ماما 
سيف بفرحة بجد دي اجمل هدية جاتلي تعالي اعرفك علي شرين تبقي بنت عمي
جميلة بمجاملة اهلا اتشرفنا
شرين بحب انا اكتر همشي انا بقي يا سيف متنساش معادنا بليل بااي
خرجت شرين وجميلة كانت مخڼوقة اوي فقامت هي كمان
جميلة بحزن انا همشي بقي عشان ماما اعتقد كدة كل حاجة رجعت لمكانها الطبيعي اتمنالك التوفيق من كل قلبي ياسيف سلام
سيف قرب من جميلة بلهفة وهو بينطق اسمها فبصتله جميلة بحزن وهي مستنياه يتكلم فلقيته بيقرب منها اكتر وهو مركز في عيونها فاتوترت اوي وقلبها دق
سيف بهمس هو لسة في حاجة مرجعتش مكانها الطبيعي يا جميلة
جميلة باستغراب وهي مركزة في عيون سيف ايه هي الحاجة دي 
سيف طلع علبة صغيرة من جيبه وفتحها تحت نظرات جميلة المصډومة وكانت في العلبة دبلة دهب خرجها سيف ولبسهالها وهو بيهمس بحب
سيف انتي يا جميلة انتي مكانك جمبي زي مكانتك ما هي في قلبي انتي اجمل حاجة حصلتلي في وسط كل اللي كنت فيه كنتي الامل اللي نور عتمتي في عز ما كنت يائس من كل حاجة
جميلة كانت بتسمع سيف وقلبها بيدق من فرحته كلامه كان مسمع في قلبها حرفيا لدرجة انها مكنتش حاسة بأي حاجة ولا حتي نطقت بحرف
سيف بقلق جميلة انتي رافضاني او
جميلة باندفاع لا طبعا
اتكسفت جميلة من اللي قالته من غير ما تقصد فضحك سيف علي شكل وشها المحمر من الكسوف وقالها بعشق 
بحبك يا جميلة وبحمد ربنا علي كل حاجة حصلتلي عشان كانت السبب في اني اقابلك واحبك
جميلة بتفكير اممم بس بشرط
سيف بغموض اللي هو ايه بقي
جميلة فجأة ضحكت وردت بخجل انك تشتريلي ازازة مية زي اللي جبتهالك فاكرها 
سيف بحب منا هجيب بدالها شربات ومأذون واتنين شهود يا حبيتي
تمت
رأيكم يهمني جدااااا و متنسوش الايك