قصه حلم حياتي

قصه اليوم بعنوان حلم حياتي 
تقول صاحبه الرساله 
انا زوجه عندي 42 سنه متجوزه و انا في العشرينا تمن جوزي ستيفن 45 سنه و عندنا بنت واحده هي قره عيني سيسيليا اللي حلم حياتي اسعدها و اعمل لها اي حاجه ترضيها 
من حوالي شهر و نص ستيفن جه قالي انه عايز نتطلق عرفت طبعا انه هيطلقني عشان ليندا المساعده بتاعتها اللي شغاله معاه بقي لها 15 سنه 
المترجمه يا وليه احترمي نفسك علي الصبح ايه شغاله معاه دي انت هتشمتي الذكوريه السامه فينا و الا ايه 
صاحبه القصه انا اعمل ايه يا مترجمه يا اختي ما ليندا دي اخلاقها هداري عليها يعني 

المهم ان سيسي بنتنا كانت في كامب بمده اسبوع لما ستيفين صارحني برغبته بالانفصال فهمت بعدها انه اختار التوقيت ده عن عمد !
طبعا اتخانقت خڼاقه كبيره و يا ولود كذا و يا ولود كذا و انتهيت بأني مشيت من البيت كان بيت ورث و ده بره حسبه ممتلكات الزوجين و بالتالي لمېت شنط هدومي علي اد ما قدرت و مشيت قعدت في فندق و انا بحاول افهم ليه الخيانه و ليه الغدر 
كل اللي كان هاممني كان سيس كنت قلقانه علي نفسيتها و ببعت لها اتطمنم عليها من غير ما اجيب لها سيره اللي حصل و هي بترد عادي و استنيت لما ترجع تكلمني عشان احكي لها اللي حصل بس في الحقيقه هي ما كلمتنيش !
الاه !
يكونش ستيفن ملي دماغها باسباب مختلفه للطلاق عشان كده البنت واخده صفه 
اه يا ستيفن الكلب يا واكل قوت الغلابه !
قررت اكلم سيس عشان اشرح لها اللي حصل لقيتها بتقفل و بتقول لي انها مش طرف في مشاكلنا قلت لها دي مش مشاكل عاديه احنا هننفصل و انا مش عايزاكي تفتكري اني انا السبب في خړاب البيت ده لانه قطعا هيأثر عليكي 
طلع خير اللهم اجعله خير انه قال لها الحقيقه و انها شافت ان دي حياتنا هي مش هتتدخل فيها 
كنت حاسه بغصه في حلقي علي الرغم من اني شايفه تصرفها هو الاصح خصوصا ان مكالمتها ماكانش فيها اي نبره تعاطف معايا 
ستيفن بعد ما مشيت من البيت باسبوعين بالظبط خلي ليندا تنقل بيتي ! او للدقه اللي كان بيتي !
مش قادره استوعب انه تم استبدالي بالسرعه دي !
كنت لسه مقيمه في الفندق و في رحله بحث عن شقه صغيره اقدر انقل فيها لانه مش منطقي افضل عايشه في الفندق يعني 
اليوم ده كنت مرهقه من الشغل و من عدم الاستقرار اللي ضړب حياتي كلها فتحت الانستجرام و حسيت كأن