قصه غريبه بتحصل من صغري
وبيتجوزوا.. شعور صعب اوي.
لحد ما جه واحد أتعرف عليا خلال سفري للكلية لانها كانت في بلد جنب بنها إسمها مشتهر لو تعرفوها .
كنت بسافر كل يوم .. ولما شافني وإتعرفنا على بعض .. كنت مرتحاله أوي .. إسمه صلاح وطلع صاحب أخويا وكان مكلمه عليا وكان عايز يتقدملي ..وجه بالفعل إتقدملي .. وإتخطبنا .. وبعد خطوبتنا بشهر فجأة مبقتش مرتاحه وبقيت اشوفه زي مايكون أعوذ بالله كلب او شيطان هو كمان !!.
ماحدش فيهم كان حاسس بيا ولا عارفين أنا بشوف إيه كل يوم بالليل بعد ماكنت بكلم صلاح .. كنت بسمع صوت كان بيجيلي من تحت المخدة إللي بنام عليها وبيقولي إنتي مش لحد غيري .. إللي هايقرب منك أنا هاعذبه وهاحرقه .
وكنت بحس بإيد باردة بتلمس شعري .. وأشوف بعيني شعري وهو بيترفع لفوق!.
المرايا إللي كنت بشوف من جواها بيظهر ضوء أصفر زاي ضوء الشموع بمجرد ما النور يقطع .. وكنت بشوف ضل أسود طويل مطموس الملامح بيظهرلي من جوة المرايا وبنفس صوته الأجش بسمعه بينادي بإسمي ويقولي نفس الجملة اللي بسمعها وانا بكلم صلاح!!.
لحد ما حصل إللي حصل مع صلاح .. قبل صلاح ماكنش بيظهرلي .. لكن بمجرد ما وافقت على خطوبتي من صلاح بدأت أشوف حاجات غريبة .. وقدر الضل الأسود دا يتحكم فيا وخلاني أشوف صلاح بمنظر بشع علشان يبعدني عنه .
لحد ما سيبنا بعض..
وبقى دا حالي لفترة طويلة.. كل ماحد يقول هيجي يتقدم مايجيش .. حتى إبن خالتي إللي كان بيحبني وروحه فيا من سنين وانا معرفش
قرر يتقدملي وإدالنا ميعاد وقبل ما ييجوا بيوم أبوه عمل حاډثة كبيرة واعتذر ومجاش .. مرتين يعتذر ومايجيش .. أخر مرة قلتله متجيش خلاص كل شيء نصيب ..
_ من وقت ما كلمت خالتي عليكي وأنا بيحصلي حاجات مش مفهومة .. بقيت بتعصب على أتفة الأسباب .. وبدأت أعمل مشاكل في الشغل .. وأنا عمري ما عملت مشكلة ف حياتي .. ييجي عليا الليل بشوف خيالات بتحوم حواليا .. بشوف تعابين سودة صغيرة في كل مكان بروحه .. وأجي أقول لحد من البيت مانلاقيش حاجة .. أنا بقالي أربع أيام مبنامش .. كل ما أنام وأروح ف النوم .. ألاقي حد بينغزني في كتفي وبقوم مڤزوع مابلاقيش حد ! .. سامحيني .
بدأت أتضايق .. حكيت لماما على كل إللي بيحصلي وإللي شوفته .. قالتلي بعد ما طبطبت عليا
_ دا أختبار من ربنا ليكي يا بنتي .. أوعي تسقطي فيه .. خليكي قوية .. يلا حضري شنطتك .. هانروح نقعد عن ستك كام يوم .
وفعلا روحت مع أمي بلد جدتي علشان نزورها .. قعدنا هناك أسبوعين .. كنت مبسوطة أوي وماكنتش بشوف أي حاجة .
بنات خالي كانوا ملتزمين قربوا منى وبقيت أروح معاهم دروس في المسجد ورجعت من هناك ملتزمه في الصلاة ولابسه الحجاب .
وبفضل الله مع إنتظامي بالصلاة وأذكار الصباح والمساء مابقتش بشوف الضل ولا بقيت بشوف كوابيس الحمدلله
ومع أول عريس يجيلي وافقت وإتخطبنا وكام شهر وإتجوزنا..
